ന്യൂഡൽഹി: മുഹർറം ഘോഷയാത്രകളിൽ ഫലസ്തീൻ പതാക വീശി ഐക്യദാർഢ്യം പ്രകടിപ്പിച്ചവർക്കെതിരെ ചുമത്തിയ ക്രിമിനൽ കേസുകൾ പിൻവലിക്കണമെന്ന് സി.പി.എം പോളിറ്റ് ബ്യൂറോ.
ജമ്മു-കശ്മീർ, ബിഹാർ, മധ്യപ്രദേശ്, ഝാർഖണ്ഡ് എന്നിവിടങ്ങളിൽ ബി.ജെ.പി, വി.എച്ച്.പി നേതാക്കൾ നൽകിയ പരാതികളുടെ അടിസ്ഥാനത്തിൽ യു.എ.പി.എ ഉൾപ്പെടെ ചുമത്തിയാണ് കേസുകൾ.
കേന്ദ്രസർക്കാർ ഫലസ്തീൻ ഭരണകൂടത്തെ പിന്തുണക്കുന്നുവെന്ന് അവകാശപ്പെടുന്നുണ്ടെങ്കിലും ഐക്യദാർഢ്യം നടത്തിയവർക്കെതിരെ രജിസ്റ്റർ ചെയ്ത കേസുകൾ അവരുടെ യഥാർഥ മുഖം തുറന്നുകാട്ടുന്നുവെന്നും പോളിറ്റ്ബ്യൂറോ പ്രസ്താവനയിൽ പറഞ്ഞു.