ഡോട്മുണ്ട്: ആദ്യകളിയിലെ ജയത്തിന്റെ ആവേശത്തിൽ പോർച്ചുഗലും തുർക്കിയും യൂറോ കപ്പിലെ എഫ് ഗ്രൂപ് മത്സരത്തിൽ ഇന്ന് നേർക്കുനേർ. ഒരു ഗോളിന് പിന്നിലായശേഷം ചെക് റിപ്പബ്ലിക്കിനെ 2-1ന് തോൽപിച്ചായിരുന്നു ക്രിസ്റ്റയാനോ റൊണാൾഡോയുടെ സംഘം ജയിച്ചുകയറിയത്.
ജോർജിയയെ 3-1ന് തകർത്താണ് തുർക്കി വരുന്നത്. ചെക് റിപ്പബ്ലിക്കിനെതിരെ റൊണാൾഡോ മുഴുവൻ സമയവും കളിച്ചിരുന്നു. ഇന്നും റൊണാൾഡോ ആദ്യ ഇലവനിൽ തന്നെയുണ്ടാകും. ഇന്ത്യൻ സമയം രാത്രി 9.30നാണ് മത്സരം. മറ്റ് കളികളിൽ ജോർജിയയും ചെക് റിപ്പബ്ലിക്കും (വൈകീട്ട് 6.30) ബെൽജിയവും റുമേനിയയും (അർധരാത്രി 12.30) ഏറ്റുമുട്ടും.