കൊച്ചി: മാവോവാദി ബന്ധമുള്ളയാളെ തീവ്രവാദ വിരുദ്ധ സേന (എ.ടി.എസ്) പിടികൂടി. തൃശൂർ സ്വദേശി മനോജാണ് എറണാകുളം സൗത്ത് റെയിൽവേ സ്റ്റേഷനിൽനിന്ന് പിടിയിലായത്. ഇയാൾ മാവോവാദികൾക്കിടയിലെ സന്ദേശവാഹകനാണെന്നാണ് സൂചന. സംഘടനാ പ്രവർത്തനവുമായി ബന്ധപ്പെട്ട് ബ്രഹ്മപുരത്തുനിന്ന് പണം വാങ്ങാനെത്തിയതാണെന്നും വിവരമുണ്ട്.
വിവിധ യു.എ.പി.എ കേസുകളിൽ പ്രതിയാണ്. അരീക്കോടുള്ള എ.ടി.എസ് അംഗങ്ങളാണ് കൊച്ചിയിലെത്തി പിടികൂടിയത്. വയനാട്ടിലെ കുഴിബോംബ് സ്ഫോടനവുമായി ബന്ധപ്പെട്ട് ഇയാൾ നിരീക്ഷണത്തിലായിരുന്നു.