ശ്രീനഗർ: ജമ്മു- കശ്മീരിലെ ആദ്യ മുസ്ലിം ഐ.എ.എസ് ഓഫിസർ മുഹമ്മദ് ഷാഫി പണ്ഡിറ്റ് (80) അന്തരിച്ചു. അർബുദത്തെ തുടർന്ന് ഡൽഹിയിലെ ആശുപത്രിയിൽ ചികിത്സയിലായിരുന്നു.
1969 ബാച്ച് ഐ.എ.എസ് ഉദ്യോഗസ്ഥനായ ഇദ്ദേഹം ജമ്മു -കശ്മീർ പബ്ലിക് സർവിസ് കമീഷൻ തലവനായാണ് വിരമിച്ചത്. നിരവധി സാമൂഹിക, ജീവകാരുണ്യ സംരംഭങ്ങൾക്ക് നേതൃത്വം നൽകി.
1992ൽ കേന്ദ്രസർക്കാറിൽ ജോയന്റ് സെക്രട്ടറിയായിരുന്നു. നിര്യാണത്തിൽ പ്രധാനമന്ത്രി നരേന്ദ്ര മോദി, കോൺഗ്രസ് നേതാവ് ജയ്റാം രമേശ് തുടങ്ങിയവർ അനുശോചിച്ചു.