സംസ്ഥാനത്ത് ഇന്നും കനത്ത മഴ. കേന്ദ്ര കാലാവസ്ഥാ വകുപ്പ് 5 ജില്ലകളില് ഓറഞ്ച് അലേര്ട്ട് പ്രഖ്യാപിച്ചു.അടുത്ത 24 മണിക്കൂറിനുള്ളില് കാലവര്ഷം കേരളത്തില് എത്തിച്ചേരാന് സാധ്യത. കേരള തീരത്ത് ശക്തമായ പടിഞ്ഞാറന് കാറ്റ് നിലനില്ക്കുന്നു . ഇതിന്റെ ഫലമായി കേരളത്തില് അടുത്ത 7 ദിവസം വ്യാപകമായി ഇടി / മിന്നല് / കാറ്റ് ( 30 -40 km/hr.) കൂടിയ മിതമായ / ഇടത്തരം മഴക്ക് സാധ്യതയുണ്ട്.
ഒറ്റപ്പെട്ട സ്ഥലങ്ങളില് ഇന്ന് ( മെയ്29 ) അതി ശക്തമായ മഴക്കും മെയ് 29 മുതല് ജൂണ് 2 വരെ ശക്തമായ മഴക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു. സംസ്ഥാനത്ത് അതിശക്തമായ മഴ മുന്നറിയിപ്പും നല്കിയിട്ടുണ്ട്.
കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലാണ് അതിശക്തമഴ മുന്നറിയിപ്പ് നിലനില്ക്കുന്നത്. തിരുവനന്തപുരം, ഇടുക്കി, തൃശ്ശൂര് എന്നിവിടങ്ങളില് ശക്തമായ മഴ മുന്നറിയിപ്പും നിലനില്ക്കുന്നുണ്ട്. സംസ്ഥാനത്ത് മധ്യ-തെക്കന് മേഖലകളില് മഴ ശക്തി പ്രാപിക്കുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്.
മണ്സൂണ് കാറ്റ് ശക്തി പ്രാപിച്ചതും, തെക്കന് തമിഴിനാടിന് മുകളില് തുടരുന്ന ചക്രവാത ചുഴിയുടെ സ്വാധീന ഫലമായാണ് സംസ്ഥാനത്ത് കനത്ത മഴ തുടരുന്നത്. സംസ്ഥാനത്ത് പൊതുവെ മഴ മാറിനില്ക്കുന്ന സാഹചര്യമാണ് ഇന്ന് ഉണ്ടായത്. വിവിധയിടങ്ങളില് കഴിഞ്ഞ ദിവസത്തെ മഴയില് കരകവിഞ്ഞ തോടുകളും കൈവരികളും വെള്ളക്കെട്ടുകളും മഴ മാറി നിന്നതോടെ ഇറങ്ങി തുടങ്ങി. ഇന്ന് എവിടെയും മഴയുമായി ബന്ധപ്പെട്ട് സംസ്ഥാനത്തെവിടെയും അനിഷ്ട സംഭവങ്ങള് ഉണ്ടായില്ല.
കനത്ത മഴയ്ക്കൊപ്പം മണിക്കൂറില് 40 കിലോമീറ്റര് വേഗത്തില് വീശുന്ന കാറ്റിനും, ഇടിമിന്നലിനും സാധ്യതയുണ്ട്. ഉയര്ന്ന തിരമാല ജാഗ്രത നിര്ദേശവും കടലാക്രമണ സാധ്യതയും നിലനില്ക്കുന്ന സാഹചര്യത്തില് തെക്കന് കേരളതീരം, ലക്ഷദ്വീപ് തീരം എന്നിവിടങ്ങളില് മത്സ്യബന്ധനത്തിന് ഏര്പ്പെടുത്തിയ വിലക്ക് തുടരുകയാണ്. മൂന്നു ദിവസത്തിനുള്ളില് സംസ്ഥാനത്ത് കാലവര്ഷമെത്തുമെന്നാണ് കാലാവസ്ഥാ വകുപ്പിന്റെ പ്രവചനം. കാലവര്ഷം കൂടിയെത്തിയാല് സംസ്ഥാനത്ത് മഴയ്ക്ക് ശമനമുണ്ടാകില്ല.
The post സംസ്ഥാനത്ത് മഴ ശക്തം; 24 മണിക്കൂറിനുള്ളില് കാലവര്ഷം എത്തിച്ചേരാന് സാധ്യത appeared first on Keralabhooshanam Daily.