കോട്ടയം: ബുക്കിങ് വെബ്സൈറ്റിൽ ഗുരുതരമായ പിഴവ് കണ്ടെത്തിയതിനെ തുടർന്ന് ഓൺലൈൻ വഴിയുള്ള മദ്യവിൽപന ബെവ്കൊ നിർത്തി. booking.ksbc.co.in എന്ന സൈറ്റ് വഴി മുൻകൂർ പണം അടച്ച് ബെവ്കൊ ഔട്ട്ലെറ്റിലെത്തി മദ്യം വാങ്ങാൻ സാധിക്കുമായിരുന്ന സംവിധാനമാണ് അവസാനിപ്പിച്ചത്.
വില കൂടിയ മദ്യം വെബ്സൈറ്റ് വഴി കുറഞ്ഞ വിലക്ക് വാങ്ങാൻ കഴിയുമെന്ന പിഴവ് ഉപഭോക്താക്കൾ തന്നെ ശ്രദ്ധയിൽപ്പെടുത്തുകയായിരുന്നു. ഇതു മൂലം വലിയ സാമ്പത്തിക നഷ്ടവും ബെവ്കൊക്ക് ഉണ്ടായതായി പറയുന്നു.