പാരിസ്: ഒളിമ്പിക്സിനെത്തിയ ഇറാഖിന്റെ പുരുഷ ജൂഡോ താരം ഉത്തേജക മരുന്നടിച്ചതിന് പിടിയിൽ. ആദ്യമായി ഒളിമ്പിക്സിനെത്തിയ സജ്ജാദ് സെഹെനാണ് മരുന്നടിക്ക് പിടിയിലായത്.
അനാബോളിക് സ്റ്റിയറോയ്ഡുകളായ മെറ്റാൻഡിയനോൺ, ബോൾഡിനോൺ എന്നിവയുടെ അംശം കണ്ടെത്തി. പുരുഷന്മാരുടെ 81 കിലോ വിഭാഗത്തിൽ ചൊവ്വാഴ്ച മത്സരിക്കാനിരിക്കെയാണ് പിടിയിലായത്. ഇദ്ദേഹത്തെ സസ്പെൻഡ് ചെയ്തതായി ഐ.ഒ.എ അറിയിച്ചു.