ദമ്മാം: നവോദയ ദമ്മാം ഏരിയ കുടുംബവേദി ടൗൺ യൂണിറ്റ് അംഗമായിരിക്കെ രോഗബാധിതനായ് നാട്ടിൽ മരണമടഞ്ഞ മലപ്പുറം ജില്ല വഴിക്കടവ്, പുന്നക്കൽ സ്വദേശി മുഹമ്മദ് ഷബീറിൻ്റെ കുടുംബ സഹായം ഷബീറിന്റെ വസതിയിൽ വച്ച് നിലമ്പൂർ എംഎൽഎ പിവി അൻവർ ഷബീറിൻ്റെ പിതാവ് അബൂബക്കറിന് കൈമാറി.
ചടങ്ങിൽ പ്രവാസിസംഘം ജില്ലാ സെക്രട്ടറി വികെ റൗഫ്, സിപിഐഎം വഴിക്കടവ് ഏരിയ കമ്മറ്റി അംഗങ്ങളായ പിസി നാഗൻ, പിടി ഉഷ, വഴിക്കടവ് ലോക്കൽ സെക്രട്ടറി എംടി അലി, പ്രവാസിസംഘം എടക്കര ഏരിയ സെക്രട്ടറി അബ്ദുൾ കരീം, പ്രസിഡൻ്റ് ഹംസ, സിപിഐഎം വഴിക്കടവ് ബ്രാഞ്ച് സെക്രട്ടറി ബിൻഷാദ്, നവോദയ ജനറൽ സെക്രട്ടറി രഞ്ജിത് വടകര, കുടുംബവേദി കേന്ദ്ര സെക്രട്ടറി ഷമീം നാണത്ത്, കുടുംബവേദി ദമ്മാം ടൗൺ യൂണിറ്റ് സെക്രട്ടറി അബ്ദുൾ കരീം, നവോദയ മുൻ കേന്ദ്ര എക്സികുട്ടീവ് അംഗങ്ങളായ വണ്ടൂർ ഉണ്ണി, ചന്ദ്രൻ വാണിയംബലം തുടങ്ങിയവർ സംബന്ധിച്ചു.