പാർലിമെൻ്റിൽ ധനമന്ത്രി നിർമ്മല സീതാരാമൻ അവതരിപ്പിച്ച ബഡ്ജറ്റിൽ കേരളത്തിനെയും,പ്രവാസികളെയും സാധാരണക്കാരെയും അവഗണിച്ചു എന്ന് സൗദി കിഴക്കൻ പ്രവിശ്യയിലെ നവോദയ സംസ്കാരിക വേദി കേന്ദ്ര കമ്മിറ്റി വാർത്താ കുറിപ്പിലൂടെ അഭിപ്രായപ്പെട്ടു.
കേരളത്തിന് എയിംസ്, റെയിൽവെ എന്നീ പദ്ധതികൾ ഒന്നും തന്നെ പ്രഖ്യാപിച്ചിട്ടില്ല എന്നു മാത്രമല്ല കേരളം ആവശ്യപ്പെട്ട 24,000 കോടി രൂപയുടെ ധനസഹായവും നൽകിയിട്ടില്ല.
ഭക്ഷ്യ സുരക്ഷ ഉറപ്പാക്കനുള്ള തുകയും ,ദേശീയ തൊഴിൽ ഉറപ്പ് പദ്ധതിയുടെ തുകയും,വളം സബ്സിഡി കൂടാതെ വിവിധ സബ്സിഡികളും വെട്ടി കുറച്ചു.
പ്രവാസി നിക്ഷേപം ആകർഷിക്കുന്നതിനും, മടങ്ങി വരുന്ന പ്രവാസികളുടെ തൊഴിൽ നൈപുണ്യം ഉപയോഗപ്പെടുത്തി വ്യവസായ മേഖലയിൽ വളർച്ച കൈവരിക്കുന്നതിനും, പ്രവാസിയാത്ര ക്ലേശം പരിഹരിക്കുന്നതിനും ബഡ്ജറ്റിൽ പദ്ധതികൾ ഉണ്ടാകുമെന്ന് പ്രതീക്ഷിച്ചിരുന്നെങ്കിലും പ്രവാസികളെ സംബന്ധിച്ച് ബഡ്ജറ്റ് തീർത്തും നിരാശാജനകമാണ് എന്നും വാർത്താ ചൂണ്ടിക്കാട്ടി.
ഇത് തൊഴിലില്ലായ്മയും ഭക്ഷ്യപണപ്പെരുപ്പവും രാജ്യത്ത് ഉയര്ത്തുമെന്നും ജനങ്ങള്ക്കിടയില് അസമത്വം സൃഷ്ടിക്കപ്പെടാന് ഈ ബജറ്റ് ഇടയാക്കുമെന്നും
അതിസമ്പന്നരെയും കോർപ്പറേറ്റ് കളെയും സഹായിക്കുന്നതും പാവങ്ങളുടെ ദുരിത ജീവിതം സ്ഥായിയാക്കുന്നതും ആണ് ഈ കേന്ദ്ര ബഡ്ജറ്റ് .
കോവിഡിന്റെ പ്രതിസന്ധിയിൽ നിന്നും കരകയറുവാൻ ദരിദ്രജനകോടികൾക്ക് പ്രതീക്ഷയോ ആശ്വാസമോ പകരുന്ന ഒരു പ്രഖ്യാപനവും ബജറ്റിലില്ല. കഴിഞ്ഞ ബജറ്റിലെ വകയിരുത്തൽപോലും നിഷ്കരുണമായി വെട്ടിക്കുറച്ചുകൊണ്ടാണ് കേന്ദ്ര ബജറ്റ് അവതരിപ്പിച്ചിരിക്കുന്നത് എന്നും വാർത്താക്കുറിപ്പിൽ നവോദയ കേന്ദ്ര കമ്മിറ്റി അറിയിച്ചു
കേരളത്തെ സഹായിക്കുന്നതിനായി റബറിന്റെ താങ്ങുവിലയെക്കുറിച്ചോ, മല്സ്യമേഖലയ്ക്ക് പ്രത്യേക പദ്ധതികള് നല്കുന്നതിനെക്കുറിച്ചോ, സംസ്ഥാനം നേരിടുന്ന കടലാക്രമണത്തെക്കുറിച്ചോ കേന്ദ്ര ബഡ്ജറ്റിൽ പ്രതിപാടിച്ചിട്ടില്ല എന്നും വാർത്താ കുറിപ്പിൽ നവോദയ കേന്ദ്ര കമ്മിറ്റി പ്രസ്താവിച്ചു.