ബെർലിൻ: യൂറോ കപ്പ് ഗ്രൂപ് സിയിലും ഡിയിലും ചൊവ്വാഴ്ച അവസാന പോരാട്ടങ്ങൾ. ഡി ഗ്രൂപ്പിൽ നാലു വീതം പോയന്റുമായി ആദ്യ രണ്ട് സ്ഥാനങ്ങളിലുള്ള നെതർലൻഡ്സും ഫ്രാൻസും പ്രീ ക്വാർട്ടർ തേടിയിറങ്ങും. പോളണ്ടാണ് ഫ്രാൻസിന്റെ എതിരാളികൾ. നെതർലൻഡ്സിനെ ഓസ്ട്രിയയും നേരിടും. ഓസ്ട്രിയക്കും മൂന്ന് പോയന്റുള്ളതിനാൽ ഈ കളിയിൽ ജയിക്കുന്നവർക്ക് അനായാസം നോക്കൗട്ടിലെത്താം. ഫ്രഞ്ച്, ഓറഞ്ച് സംഘങ്ങളെ സംബന്ധിച്ച് സമനിലപോലും പ്രീ ക്വാർട്ടറിലേക്ക് വഴിതുറക്കും.
അതേസമയം, ഗ്രൂപ് സിയിൽ ഇംഗ്ലണ്ട് സ്ലൊവീനിയയെയും ഡെന്മാർക് സെർബിയയെയും നേരിടും. നാല് പോയന്റുള്ള ഇംഗ്ലണ്ടിന് മുന്നേറാൻ സമനില മതി.