ബഹ്റൈൻ: പ്രവാസികളുടെ ഉന്നമനത്തിനും നിയമപരിരക്ഷയ്ക്കും വേണ്ടി പ്രവർത്തിച്ചെന്ന പ്രവാസി ലീഗൽ സെല്ലിന്റെ ബഹ്റൈൻ ചാപ്റ്റർ തങ്ങളുടെ ബഹറിൻ പ്രവർത്തനത്തിന്റെ രണ്ടാം വാർഷികം, ജൂൺ 22 ശനിയാഴ്ച വൈകീട്ട് 7.30 ന് ഉമ്മൽ ഹസം കിംസ് ഹെൽത്ത് ഓഡിറ്റോറിയത്തിൽ വെച്ച് സംഘടിപ്പിക്കുന്നു.
ബഹ്റൈനിലെ ഇന്ത്യൻ അംബാസിഡർ ശ്രീ വിനോദ് ജേക്കബ് മുഖ്യാതിഥിയാകുന്ന ചടങ്ങിൽ ബഹ്റൈൻ പാർലമെൻറ് അംഗം ഹസൻ ബുഖാമാസ്, ലേബർ മിനിസ്റ്ററി അസിസ്റ്റന്റ് അണ്ടർ സെക്രട്ടറി അഹമ്മദ് ജാഫർ അൽ ഹൈക്കി, എൽ എം ആർ എ ഔട്ട് റീച്ച് ആൻഡ് പാർട്ണർഷിപ്പ് വിഭാഗം ഡയറക്ടർ ഫഹദ് അൽ ബിനാലി, പ്രവാസി ലീഗൽ സെല്ലിന്റെ ഗ്ലോബൽ പ്രസിഡന്റ് അഡ്വക്കേറ്റ് ജോസ് എബ്രഹാം തുടങ്ങിയവർ പങ്കെടുക്കും.
കഴിഞ്ഞ രണ്ടു വർഷക്കാലം പ്രവാസി ലീഗൽ സെല്ലിന്റെ ബഹ്റൈൻ ചാപ്റ്റർ പ്രവർത്തനങ്ങൾക്ക് എല്ലാ സഹകരണങ്ങളും നൽകിയ സാമൂഹിക പ്രവർത്തകർക്കും, ബഹ്റൈനിലെ ഗവൺമെന്റ് വിഭാഗങ്ങൾക്കും പ്രവാസി ലീഗൽ സെൽ ബഹറിൻ ചാപ്റ്റർ പ്രസിഡന്റ് ശ്രീ സുധീർ തിരുനിലത്ത് നന്ദി അറിയിക്കുകയും ഏവരെയും ഈ രണ്ടാം വാർഷികാഘോഷങ്ങളിലേക്ക് സ്വാഗതം ചെയ്യുകയും ചെയ്തു