കൊച്ചി: പീഡനക്കേസിൽ എം. മുകേഷ് എം.എൽ.എക്ക് മുൻകൂർ ജാമ്യം നൽകിയ സെഷൻസ് കോടതി ഉത്തരവിനെതിരെ സർക്കാർ ഹൈകോടതിയിൽ അപ്പീൽ നൽകിയേക്കും. മുൻകൂർ ജാമ്യം വിചാരണയെപ്പോലും ബാധിക്കുമെന്ന് ചൂണ്ടിക്കാട്ടിയാകും അപ്പീൽ.
പരാതിക്കാരിയുടെ മൊഴിയടക്കം പരിശോധിച്ചാണ് രഹസ്യവാദത്തിനുശേഷം സെഷൻസ് കോടതി ജാമ്യം അനുവദിച്ചത്. ബലപ്രയോഗത്തിലൂടെ ലൈംഗികബന്ധമെന്ന സൂചന മൊഴിയിലില്ലെന്നും മറ്റും കോടതി ചൂണ്ടിക്കാട്ടിയിരുന്നു.
ഈ നടപടികൾ കേസന്വേഷണെത്തയും ബാധിക്കുമെന്നാണ് പ്രത്യേക അന്വേഷണസംഘം പറയുന്നത്. ആലുവ സ്വദേശിനിയായ നടിയുടെ പരാതിയിൽ എറണാകുളം മരട് പൊലീസാണ് മുകേഷിനെതിരെ കേസെടുത്തത്.