കൊച്ചി: കരുവന്നൂർ സഹകരണ ബാങ്ക് തട്ടിപ്പ് കേസിലെ 14ാം പ്രതി പി. സതീഷ് കുമാറിന്റെ ജാമ്യഹരജി ഹൈകോടതി തള്ളി. തട്ടിപ്പുമായി ഒരു ബന്ധവുമില്ലെന്നും രാഷ്ട്രീയ നേതാക്കൾക്കെതിരെ മൊഴി നൽകാൻ നിർബന്ധിച്ചിട്ട് വഴങ്ങാത്തതിനാലാണ് പ്രതിയാക്കിയതെന്നും കാട്ടിയാണ് ഇടനിലക്കാരനായ ഇയാൾ ജാമ്യ ഹരജി നൽകിയത്.
മാസങ്ങളായി ജയിലിൽ കഴിയുകയാണെന്നും തങ്ങളുമായി ബന്ധപ്പെട്ട അന്വേഷണം പൂർത്തിയായതിനാൽ ജാമ്യം അനുവദിക്കണമെന്നുമായിരുന്നു ആവശ്യം. എന്നാൽ, ഈ ഘട്ടത്തിൽ ജാമ്യം അനുവദിക്കാനാവില്ലെന്ന് വ്യക്തമാക്കിയ ജസ്റ്റിസ് സി.എസ്. ഡയസ് ഹരജി തള്ളുകയായിരുന്നു.